गीता प्रेस नेपालले बुटवलमा आफ्नो नयाँ पुस्तक बिक्री केन्द्र सञ्चालनमा ल्याएको छ। आगामी १० मंसिर २०८२ (26 November 2025) मा जेसिस चोक, बुटवलमा केन्द्रको भव्य उद्घाटन समारोह आयोजना हुने जानकारी संस्थाले दिएको छ।
गीता प्रेस नेपालले सनातन धर्म, अध्यात्म तथा संस्कृतिका मूल्यहरूको प्रसार–प्रचारलाई आफ्नो प्रमुख ध्येय मानेको छ। बुटवलमा संचालनमा आउने यस नयाँ केन्द्रमार्फत श्रीमद्भगवद्गीता लगायत विविध आध्यात्मिक, प्रेरणादायी तथा संस्कारयुक्त पुस्तकहरू सर्वसाधारणका लागि सहज उपलब्ध हुनेछन्।
उद्घाटन समारोहको उपलक्ष्यमा संस्थाले सम्पूर्ण धर्मानुरागीहरूलाई सहभागिता जनाई यस केन्द्रबाट सेवा लिन विनम्र अनुरोध गरेको छ। बुटवलमा नयाँ बिक्री केन्द्रको सञ्चालनले धार्मिक साहित्यप्रतिको पहुँचलाई अझ सुदृढ बनाउने विश्वास गरिएको छ।